SUD MASʼULLARI YoShLAR BILAN UChRAShDI
Sud masʼullari tomonidan adolatni taʼminlash bilan birga doimiy ravishda aholining huquqiy ongi va huquqiy madaniyatini oshirish boʻyicha tadbirlar tashkil etilib kelinmoqda. Ayniqsa, yoshlar bilan uchrashuvlar oʻtkazilib, amaldagi qonun hujjatlari va ularning mazmun-mohiyati toʻgʻrisida keng tushunchalar, maʼlumotlar berilib borilmoqda.
29-mart kuni Amudaryo tumanidagi 56-sonli maktabda tumandagi sudlar masʼullari oʻquvchi-yoshlar bilan uchrashuv oʻtkazishdi. Tadbirda Jinoyat ishlari boʻyicha tuman sudi masʼullari, Fuqarolik ishlari boʻyicha tuman sudi raisi Qayrulla Atamuradov, Adliya boʻlimi bosh maslahatchisi Jamshid Bekimbetov, Yuridik xizmat koʻrsatish markazi boshligʻi Nilufar Jumaniyozova hamda Durunki mahalla fuqarolar yigʻini masʼullari, yoshlar yetakchisi qatnashishdi.
Tadbirda huquqshunoslar Oʻzbekiston Respublikasi Konstitutsiyasi, “Korruptsiyaga qarshi kurashish toʻgʻrisida”gi, “Odam savdosiga qarshi kurashish toʻgʻrisida”gi, “Huquqbuzarliklar profilaktikasi toʻgʻrisida”gi Qonunlar, Jinoyat kodeksi, Maʼmuriy javobgarlik toʻgʻrisidagi kodeks kabilar toʻgʻrisida batafsil maʼlumotlar berishdi. Prezidentimizning 2021-yil 6-iyuldagi “Korruptsiyaga qarshi murosasiz munosabatda boʻlish muhitini yaratish, davlat va jamiyat boshqaruvida korruptsiyaviy omillarni keskin kamaytirish va bunda jamoatchilik ishtirokini kengaytirish chora-tadbirlari toʻgʻrisida”gi Farmoni, “Bola huquqlari kafolatlarini yanada kuchaytirishga oid qoʻshimcha chora-tadbirlar toʻgʻrisida”gi Qarorining maʼmun-mohiyati tushuntirildi.
Oliy Majlisning 2022-yil 4-fevraldagi “Internet jahon axborot tarmogʻida yoshlar va voyaga yetmaganlar uchun milliy kontentni rivojlantirish, ularning ijtimoiy tarmoqlardan foydalanish madaniyati va zararli axborotdan himoya qilish masalalari yuzasidan Oʻzbekiston Respublikasi Vazirlar Mahkamasiga parlament soʻrovi yuborish haqida”gi qarorida koʻrsatilgan talablarni bayon etdi.
Uchrashuv davomida yoshlar bilan yaqindan suhbatlashgan, ularning sohaga oid, yoshlarga berilayotgan savollariga javob bergan huquqshunoslar ularga ilm olish uchun doimiy harakatda boʻlishlari lozimligini alohida taʼkidladi.
Yoshlarimizda yurtga dahldorlik, munosib kelajak avlodni tarbiyalash, bilimga chanqoqlik va mehnatsevarlik fazilatlarini shakllantirish borasida fikr yuritildi. Buning uchun yoshlarimiz mavjud imkoniyatlardan oqilona foydalanishi, albatta, kitobga mehr qoʻyishi, doimiy ravishida kitob mutolaa qilib, oʻz bilim va maʼnaviyatini oshirib borishi, yot gʻoyalarga berilmaslik, yoshlar oʻrtasida huquqbuzarlik va jinoyatchilikning oldini olish kabilar borasidagi mulohazalar oʻrtaga tashlandi. Shuningdek, muntazam ravishda sport bilan shugʻullanib turishi kerakligi alohida aytib oʻtildi.
Jamiyatda yoshlarning huquqiy ongi va huquqiy madaniyatini yuksaltirib borish davr talabi hisoblanadi. Qonun ustuvorligini taʼminlash hamda qonuniylikni mustahkamlash, yoshlarni Oʻzbekiston Respublikasi Konstituttsiyasi va boshqa qonun hujjatlariga hurmat ruhida tarbiyalashda huquqni muhofaza qiluvchi idoralar masʼullari tomonidan oʻtkazilayotgan bu kabi tadbirlar, uchrashuv va davra suhbatlari bu borada muhim ahamiyat kasb etadi.
Jasur Oʻrazboyev, Jinoyat ishlari boʻyicha tuman sudi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
