FAVQULODDA VAZIYaTLARDA FUQARO MUHOFAZASIGA BAGʻIShLANGAN KOʻRGAZMALI OʻQUV-AMALIY SEMINARI BOʻLIB OʻTDI
Amudaryo tumani hokimi – Fuqaro muhofazasi boshligʻining 2022-yil 17-yanvardagi buyrugʻiga muvofiq tasdiqlangan maxsus-taktik oʻquv mashqi rejasining ijrosini taʼminlash maqsadida tuman hududidagi “Gʻayratjon-Altinay” masʼuliyati cheklangan jamiyatiga qarashli binoda “Obʼektda yuzaga kelishi mumkin boʻlgan favqulodda vaziyatlarda fuqaro muhofazasi tuzilmasi va obʼekt rahbariyatining harakatlari” mavzusida koʻrgazmali oʻquv-amaliy seminari oʻtkazildi.
Seminarni oʻtkazishdan koʻzlangan maqsad – favqulodda vaziyatlarda fuqaro muhofazasini taʼminlashga qaratilgan vazifalarni oʻz vaqtida, kechiktirmasdan amalga oshirish, qutqaruv-qoʻriqlash harakatlarini bexato olib borish, zarur holatlarda fuqaro evakuatsiyasini tashkil etish, jabrlangan fuqarolarga birinchi tibbiy yordam koʻrsatish masalalari boʻyicha soha masʼullari batafsil maʼlumot va tushunchalar berishdan iboratdir.
Tadbirda obʼekt rahbariyati, tuman Favqulodda vaziyatlar boʻlimi, Tibbiyot birlashmasi xodimlari ikki qismdan iborat maxsus taktik oʻquv mashqlarida ishtirok etishdi. Seminarning nazariy qismini tuman Favqulodda vaziyatlar boʻlimi xodimi kapitan Bekzod Tajibayev olib bordi hamda obʼekt fuqaro muhofazasining asosiy vazifalari va funktsiyasi, tuzilma faoliyatini tashkil etish, moliyalashtirish va moddiy-texnik jihatdan taʼminlash tartibi toʻgʻrisida tushunchalar berdi.
Seminarning amaliy qismida “Obʼekt fuqaro muhofazasi” shaxsiy tarkibining holati hamda obʼekt hududida sodir boʻlishi mumkin boʻlgan favqulodda vaziyatlar inobatga olinib, maxsus taktik-oʻquv mashqi oʻtkazildi. Ushbu tadbirga obektda tuzilgan “Fuqaro muhofazasi” tuzilmasidan 7 nafar xodim jalb qilindi.
Boʻlib oʻtgan koʻrgazmali oʻquv amaliy seminari orqali namoyish etilgan maxsus taktik-oʻquv mashqiga 22 nafar fuqaro va 3 ta maxsus texnika qatnashdi.
Koʻrgazmali oʻquv amaliy seminarining nazariy va amaliy qismlari orqali ishtirokchilar Favqulodda vaziyatlarda fuqaro muhofazasini taʼminlash, obʼekt fuqaro muhofazasi boʻyicha masʼulning asosiy vazifalari, bu vazifalarni amalga oshirish jaaryonida qanday moliyaviy manbalardan foydalanishlari, shuningdek, koʻrsatib berilgan koʻrgazmali maxsus taktik-oʻquv mashgʻulotlari orqali fuqarolarga tibbiy yordam koʻrsatish, qutqaruv ishlarini olib borish hamda mazkur jarayonda ishtirok etadigan texnika vositalaridan unumli foydalanish boʻyicha toʻliq maʼlumotga ega boʻldilar.
Robiya YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
