DAVLAT IDORA VA TAShKILOTLARNING MUROJAATLAR BILAN IShLASh BOʻYIChA XODIMLARI UChUN OʻQUV-SEMINARI OʻTKAZILDI

Amudaryo tumani Davlat xizmatlari markazi binosida tumandagi Xalq qabulxonasi va tuman Adliya boʻlimi bilan hamkorlikda tumandagi davlat idora va tashkilotlarning murojaatlar bilan ishlash boʻyicha xodimlari oʻquv-seminar oʻtkazildi.

Oʻquv seminarida Oʻzbekiston Respublikasi Prezidentining Amudaryo tumanidagi Xalq qabulxonasi masʼullari tomonidan murojaatlar bilan ishlash tajribasi xususida oʻquv-seminar ishtirokchilariga batafsil maʼlumot va tushunchalar berildi. Xususan Oʻzbekiston Respublikasi Prezidentining Amudaryo tumanidagi Xalq qabulxonasiga 2022-yil 1-aprel sanasiga qadar jismoniy va yuridik shaxslardan kelib tushgan 391 ta murojaatlarning 81 foizi qanoatlantirilib, shundan 20 foizi ijobiy hal qilingani, 19 foiziga tushuntirish berilib, 2 tasi rad etilgani, 49 ta murojaatlar oʻrganish jarayonida ekanligi, rad etilgan murojaatlarning qanday sabablarga koʻra rad etilgani xususida batafsil maʼlumotlar berildi.

Ushbu kelib tushgan murojaatlar sektorlar kesimida tahlil etildi. Unga koʻra, 1-sektor hududidan 88 ta, 2-sektor hududidan 115 ta, 3-sektor hududidan 103 ta, 4-sektor hududidan 85 ta murojaatlar kelib tushganligi va bu murojaatlar bevosita sektor rahbarlari bilan oʻrganib chiqilgani qayd qilindi.

Unga koʻra, tuman elektr taʼminoti korxonasiga koʻrib chiqish uchun yuborilgan 34 ta murojaatlarning 12 tasi, tuman arxitektura va qurilish boʻlimiga yuborilgan 6 ta murojaatdan 1 tasi, tuman aholi bandligiga koʻmaklashish markaziga yuborilgan 54 ta murojaatlarning 4 tasi, Tibbiyot birlashmasiga yuborilgan 15 ta murojaatlarning 6 tasi, Majburiy ijro byurosi tuman boʻlimiga yuborilgan 4 ta murojaatdan 1 tasi, Mahalla va oilani qoʻllab-quvvatlash Amudaryo tuman boʻlimiga yuborilgan 9 ta murojaatdan 1 tasi, tuman Ichki ishlar boʻlimiga yuborilgan 30 ta murojaatdan 2 tasi ijobiy hal qilingan, holos. Shuningdek, Byudjetdan tashqari pensiya jamgʻarmasi tuman boʻlimiga yuborilgan 13 ta murojaatlarning xech biri ijobiy hal qilinmagan.

Bundan tashqari Amudaryo tuman hokimligi tomonidan 3 ta, tuman elektr taʼminoti korxonasi tomonidan 3 ta, Mahalla va oilani qoʻllab-quvvatlash Amudaryo tuman boʻlimi tomonidan 1 ta va tuman arxitektura va qurilish boʻlimi tomonidan 1 ta murojaatlar 30 kundan kechiktirib yopilgan.

Shuningdek, tumandagi sektor rahbarlari tomonidan hududlarda oʻtkazilgan ommaviy sayyor qabullarda kelib tushgan murojaatlarni koʻrib chiqish davomida tuman Ichki ishlar boʻlimi tomonidan 3 ta, tuman hokimligi tomonidan 4 ta, tuman elektr taʼminoti korxonasi tomonidan 9 ta va tuman arxitektura va qurilish boʻlimi tomonidan 3 ta murojaatlar 30 kundan kechiktirib yopilgan.

Bundan tashqari, tuman arxitektura va qurilish boʻlimiga yuborilgan 6 ta murojaatdan 2 tasi, Majburiy ijro byurosi tuman boʻlimiga yuborilgan 4 ta murojaatdan 1 tasi, tuman aholi bandligiga koʻmaklashish markaziga yuborilgan 54 ta murojaatdan 1 tasi, tuman Tibbiyot birlashmasiga yuborilgan 15 ta murojaatdan 1 tasi, tuman Mahalla va oilani qoʻllab-quvvatlash boʻlimiga yuborilgan 9 ta murojaatdan 2 tasi, Byudjetdan tashqari pensiya jamgʻarmasi tuman boʻlimiga yuborilgan 13 ta murojaatdan 1 tasi, tuman Ichki ishlar boʻlimiga yuborilgan jami 30 ta murojaatdan 5 tasi takroriy murojaatlar sifatida qabul qilingan.

Oʻquv-seminarda tumandagi davlat idora va tashkilotlarning murojaatlar bilan ishlovchi hodimlariga har oy yakuni boʻyicha kelib tushayotgan murojaatlarni tahlil qilgan holda tahliliy maʼlumotlar hamda mavjud muammolarni bartaraf qilish yuzasidan takliflar tayyorlash va tuman Xalq qabulxonasiga xar oyning 5 sanasiga qadar xisobot berib borish topshirildi.

Har bir murojaat ortida inson va uning hayot tarzi bilan bogʻliq muammo va takliflari bor. Xalqimizning murojaatlari bilan ishlash jarayoniga ana shu nuqtai nazardan kelib chiqib yondashish talab etiladi. Zero, Prezidentimiz taʼkidlaganlaridek, xalqning dard-u tashvishlarini oʻylab yashash – odamiylikning eng oliy mezonidir.

Robiya YOʻLDOShEVA.