Amudaryo tumani Qoʻriqlash boʻlimi xodimlari va ularning oila aʼzolari ishtirokida uchrashuv boʻlib oʻtdi

Mamlakatimizda amalga oshirilayotgan keng koʻlamli islohotlar avvalo, xalqimiz farovonligini taʼminlash, fuqarolarimizning huquq va erkinliklari, qonuniy manfaatlarini ishonchli himoya qilishga xizmat qilib kelmoqda. Bu borada Qoʻriqlash boʻlimi xodimlarining xizmatlari muhim ahamiyat kasb etadi.

Joriy yilning 10-iyun kuni 9-sonli Bolalar musiqa va sanʼat maktabi binosida jamiyatimizda osoyishtalikni saqlashda oʻzlarining fidoiyligi bilan xizmat qilib kelayotgan Amudaryo tumani Qoʻriqlash boʻlimining shaxsiy tarkibi hamda ularning oila aʼzolari ishtirokida uchrashuv boʻlib oʻtdi.

Tadbirda Qoraqalpogʻiston Respublikasi Qoʻriqlash boshqarmasi bosh psixologi, mayor Imamatdan Allashev, Qoraqalpogʻiston Respublikasi Qoʻriqlash boshqarmasi shifokorlik boʻlimi bosh mutaxassisi Gulnora Seydabullayeva, tuman Qoʻriqlash boʻlimi boshligʻi podpolkovnik Baxtiyor Atadjanov hamda guruh komandiri Elyor Yusupovlar ishtirok etib, Vatan, oila kabi muqaddas qadriyatlarni asrab avaylash, xodimlar orasida xizmat intizomini mustahkamlash, yosh xodimlar dunyoqarashiga salbiy taʼsir koʻrsatuvchi omillarning oldini olishga qaratilgan muhim tavsiyalar berib oʻtdilar.

Taʼkidlanganidek, oilani mustahkamlash, oilaviy qadriyatlarni asrab-avaylash va rivojlantirish, namunali oilalarning hayoti va tajribalarini ommalashtirish muhim masalalardan biri sanaladi.

Soha xodimlari ham faoliyati davomida mazkur yoʻnalishlarga alohida eʼtibor qaratishi, oilalarda sogʻlom turshum tarzini qaror toptirishda oʻzlarining hissalarini qoʻshishlari zarurligi qayd etildi.

Bu borada tizim xodimlari, psixologik jihatdan bilimlarini oshirishi, joylarda aholi bilan muloqot jarayonida muomala madaniyatiga eʼtibor qaratishi kerakligi xususida toʻxtab oʻtildi.

Shuningdek, tadbir davomida soʻzga chiqqanlar xodimlar uchun yaratilgan imkoniyatlar va shart-sharoitlar haqida batafsil maʼlumot berishdi.

Jumladan, Oʻzbekiston Respublikasi Milliy gvardiyasi qoʻmondoniing tashabbusi bilan xodimlarning 11-sinfni bitirgan farzandlariga Oliy taʼlim dargohlariga oʻqishga kirishida maxsus kvotalar ajratilganligi va mazkur oʻquv yilida 4 nafar xodimning farzandlari ushbu imtiyozga ega boʻlganliklarini alohida mamnuniyat bilan eʼtirof etishdi.

Uchrashuv yakunida ishtirokchilar oʻzlarini qiziqtirgan savollar bilan murojaat qilib, tegishlicha javoblar oldilar.

 Davlatimiz tomonidan soxa xodimlariga va ularning oila aʼzolariga koʻrsatilayotgan eʼtibor, fidokorona xizmatlari uchun taqdim etilayotgan mukofotlar ularning kuchlariga kuch va gʻayrat qoʻshmoqda.

Sharafli shu bilan birga masʼuliyatli vazifalarida ogʻishmay xalq xizmatida yurgan Qoʻriqlash boʻlimi xodimlariga kelgusi ishlarida zafarlar tilaymiz!

Tuman hokimligining Axborot xizmati