Odam savdosi va majburiy mehnatga qarshi kurashish boʻyicha hududiy va tuman komissiyalari aʼzolarining qoʻshma yigʻilishi boʻlib oʻtdi
Bugungi kunda asr muammosiga aylangan odam savdosiga qarshi kurashish nafaqat mahalliy, balki xalqaro darajadagi inson huquq va erkinlarini taʼminlashdagi asosiy masalalardan biridir. Achinarlisi, ushbu illatning oldini olishga qaratilgan keng qamrovli huquqiy targʻibot tadbirlari olib borilishiga qaramay, millionlab insonlar odam savdosi qurboniga aylanmoqda.
Shu sababdan odam savdosi va majburiy mehnatga qarshi kurashish boʻyicha amalga oshirilayotgan izchil chora-tadbirlarni yanada takomillashtirish, joylarda huquqiy targʻibotni yanada kuchaytirish muhim vazifalardan biri sanaladi.
15-sentyabr kuni tuman hokimligi binosida Qoraqalpogʻiston Respublikasi odam savdosi va majburiy mehnatga qarshi kurashish boʻyicha hududiy komissiyasi va tuman komissiyasi aʼzolari ishtirokida yigʻilish boʻlib oʻtdi.
Yigʻilishda odam savdosiga va majburiy mehnatga qarshi kurashish borasida komissiya aʼzolarining oʻzaro hamkorlik aloqalari, odam savdosiga oid jinoyatlarni fosh etish, ularga barham berish amaliyoti, shuningdek, majburiy mehnatga qarshi kurashish boʻyicha koʻrilayotgan chora-tadbirlar, amalga oshirilgan ishlar yuzasidan bayon va qarorlarni tahlil qilish, shuningdek, yoʻl qoʻyilgan kamchiliklar va oldinda turgan dolzarb masalalar muhokama etildi.
Yigʻilishda soʻzga chiqqanlar odam savdosiga qarshi kurashishda davlat idoralari va fuqarolik jamiyati institutlari saʼy-harakatlari bilan manzilli ishlar amalga oshirilayotganligi toʻgʻrisida aytib oʻtishdi.
Taʼkidlanganidek, mazkur yoʻnalishdagi mavjud muammolarni bartaraf etish va amaliyotni xalqaro standartlarga moslashtirish boʻyicha olib borilayotgan ishlar xalqaro hamjamiyat tomonidan keng eʼtirof etilmoqda.
Yigʻilish ishtirokchilari tomonidan odam savdosi va majburiy mehnatga qarshi kurash borasida ijobiy natijalarga erishilishiga qaramasdan, joylardagi ayrim rahbarlar masʼuliyatsizligi va eʼtiborsizligi sababli hali ham ayrim muammolar saqlanib qolayotgani qayd etildi.
Shuningdek, yigʻilish davomida odam savdosi va majburiy mehnatga qarshi kurashish boʻyicha tuman komissiyasining 8 oylik hisobotlari tinglanib, komissiya faoliyati sarhisob qilindi.
Yigʻilish yakunida odam savdosi va majburiy mehnatga qarshi kurashish boʻyicha kelgusidagi muhim vazifalar belgilab olindi va kun tartibidagi masalalar yuzasidan tegishli qarorlar qabul qilindi.
Darhaqiqat, odam savdosi va majburiy mehnat kabi jinoyatlar insonning qadr-qimmati kamsitilishiga sabab boʻluvchi, jamiyat taraqqiyotiga toʻsiq boʻluvchi illatlardan biri hisoblanadi. Ushbu jinoyatlarning oldini olishga Respublika, hududiy va tuman komissiya aʼzolarigina emas, mamlakatimizdagi Vatan taraqqiyotiga befarq boʻlmagan har bir fuqaro hissa qoʻshishi lozim.
Tuman hokimligining Axborot xizmati
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
