HAR QANDAY YuTUQ FIDOYI MEHNATLAR SAMARASIDIR

Koʻp asrlik tarixga ega xalqimiz hayotidan oʻrin olgan sport turlari orasida sharq yakkakurashi va oʻzbek jang sanʼatining ham nufuzi yuqori. Sohibqiron Amir Temur bobomizning harbiy yurishlardagi gʻala-basiga  asos boʻlgan omillardan biri ham lashkarlarga oʻzbek jang sanʼati chuqur oʻrgatilgani ekanligini olimlar eʼtirof etishmoqda.
Ajdodlarimizdan qolgan benazir maʼnaviy meros-oʻzbek jang sanʼati sport turi sifatida 2009-yil qayta tiklanib, oʻzbek jang sanʼati Federatsiyasi tashkil etildi.
Oʻtgan qisqa vaqt ichida mamlakatimizda oʻzbek jang sanʼati sport turi aholi, yoshlar orasida keng omma-lashdi, sohada yuksak mahorat va tajribaga, bilimga ega murabbiylar yetishib chiqdi.
Amudaryo tuman sport makta-bida ham uch nafar oʻzbek jang sanʼati murabbiylari bor. Ularning biri Qutlimurod Primmatov. U asli qilichboy-lik. 69-sonli maktabda, keyinchalik Oʻzbekiston Dav-lat jismoniy tarbiya ins-titutida oʻqidi. Oliygohni tugatib, avval oʻzi taʼlim olgan maktabida jismoniy tarbiya fani oʻqituvchisi boʻlib ishladi. Biroq maktab oʻquvchilariga umumiy tarzda oʻtiladigan darslar uni qoniqtirmadi. Shu bois, tu-mandagi sport maktabida oʻz ixtisosligi boʻyicha oʻzbek jang sanʼati guruhini ochib, ushbu sport turiga ixlos qoʻygan oʻsmirlarga va  yoshlarga mashgʻulotlar oʻta boshladi.
U mazkur sport turining 8 ta yoʻnalishida ham tarbiyala-nuvchilarning tanloviga koʻra mashgʻulotlar olib  borib, koʻpgina yutuqlarga erishmoqda. 8 ta yoʻnalishda ham nufuzli musobaqalarda gʻolib, sovrindor boʻlgan oʻquvchilari bor. Xususan, Shabbona Ozodova qitʼa-mizning 10 dan ziyod mamla-katlaridan 500 nafarga yaqin sportchilar qatnashgan oʻzbek jang sanʼati boʻyicha oʻtkazilgan Osiyo chempiona-tida shaxsiy bellashuv yoʻna-lishida kuch sinashib, faxrli 3-oʻrinni egalladi.
Shu yilning 23-25-avgust kunlarida Xiva shahrida boʻlib oʻtgan Oʻzbekiston kubogi musobaqalarida Qutlimurod Primmatov rahbarligidagi guruhda shugʻullanayotgan, 2009-2010-yillarda tugʻilgan qizlar jamoasi koʻrgazmali chiqish boʻyicha jamoaviy bellashuvda uchinchi oʻrinni egallashdi. Shuningdek, 2005-2006-yillar-da tugʻilgan qizlar orasida jamoaviy koʻrgazmali chiqish boʻyicha uchinchi oʻrinni egalla-gan 9 nafar sportchidan iborat Qoraqalpogʻiston terma jamoasining 5 nafar aʼzosi ham Qutlimurodning shogirdlari.
– Bu sport turi asli ajdod-larimizdan meros boʻlsa-da, undagi harakatlar sayqal-lanib, maʼlum tartib-qoi-dalarga solinib, qayta tiklandi va hozirgi kunda yoshlarning, oʻsmirlarning sevimli sport turiga aylan-moqda. Oʻzbek jang sanʼatini rivojlantirishga eʼtibor tobora kuchayayotganidan quvo-naman. Bu meni shogirdlarim bilan yana ham qunt bilan shugʻullanishga ruhlantiradi, – deydi Qutlimurod Primma-tov oʻz faoliyati haqida.
Uning sportning inson hayo-tidagi ahamiyati, oʻzbek jang sanʼati bilan shugʻullanish-ning yoshlar tarbiyasiga ijobiy taʼsiri haqidagi suhbatlarini tinglagan odam oʻz kasbining haqiqiy fidoyisi ekanligiga amin boʻladi. Aslida ham hech qanday yutuq oʻz-oʻzidan kelmaydi, balki intilish, mehnat, yuksak orzular roʻyobidir.
Tuman sport maktabining oʻzbek jang sanʼati murabbiy-si Qutlimurod Primmatovga kelgusi ishlarida ham muvaf-faqiyatlar tilab qolamiz.

Oygul RAJABOVA.