YeR MUNOSABATLARIDA TENGLIK VA ShAFFOFLIK TAʼMINLANADI
Yer uchastkalarini ajratishning barcha uchun teng, shaffof va bozor tamoyillariga asoslangan tartibini joriy etish, yerga oid mulkiy va huquqiy munosabatlarda barqarorlikni taʼminlash, yerlarni muhofaza qilish, yer egalarining mulkiy huquqlarini kafolatlash, shuningdek, yerning iqtisodiy qiymatini belgilash orqali uni fuqarolik huquqiy munosabatlar obʼekti sifatida erkin muomalaga kiritishga qaratilgan qator islohotlar amalga oshirib kelinmoqda.
Prezidentimizning “Yer munosabatlarida tenglik va shaffoflikni taʼminlash, yerga boʻlgan huquqlarni ishonchli himoya qilish va ularni bozor aktiviga aylantirish chora-tadbirlari toʻgʻrisida”gi Farmoniga koʻra, 2021-yil 1-avgustdan boshlab, yer uchastkalari xususiy sektorga mulk va ijara huquqi asosida, davlat organlari, muassasalari, korxonalari, fuqarolarning oʻzini oʻzi boshqarish organlariga doimiy foydalanish huquqi asosida ajratilishi yoʻlga qoʻyildi.
Farmonga muvofiq, meros qilib qoldiriladigan umrbod egalik, doimiy egalik, vaqtincha foydalanish huquqi bilan yer ajratish tartibi bekor qilindi. Bunda ilgari ajratilgan yer uchastkalariga boʻlgan bunday huquqlar ularning egalarida amaldagi tartibda saqlanib qolindi. Ijaraga olingan yer uchastkasida qonunchilikda koʻrsatilgan tartibda qurilgan koʻchmas mulk obʼektiga mulk huquqi boshqa shaxsga oʻtgan taqdirda, ushbu obʼektga mulk huquqi bilan birgalikda u joylashgan yer uchastkasiga boʻlgan ijara huquqi ham yangi mulkdorga oʻtishi belgilandi.
Mazkur Farmon yerdan oqilona foydalanish orqali xalqimizning turmush farovonligini oshirish borasida boshlangan islohotlarni yangi bosqichga olib chiqishda muhim asos boʻladi. Shuningdek, yer bilan bogʻliq munosabatlardagi korruptsion holatlarning oldi olinadi hamda yerdan foydalanish borasida barcha uchun shaffof boʻlgan tizim yoʻlga qoʻyiladi. Qonunchilikdagi bu kabi normalarni mukammallashtirish, fuqarolarning huquq va manfaatlarini yanada kuchli muhofaza etish, qonun ustuvorligini taʼminlashga xizmat qiladi.
Q.Atamuradov, Fuqarolik ishlari boʻyicha Amudaryo tumani sudi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
