HUQUQBUZARLIKLAR PROFILAKTIKASINI AMALGA OShIRUVChI ORGANLAR HAMDA MUASSASALARNING HAMKORLIGI
Prezidentimizning 2021-yil 26-martdagi Farmoniga asosan Ichki ishlar organlari faoliyatini tashkil etishning mutlaqo yangi mexanizmlari amaliyotga joriy etildi. Hududlarda jinoyatchilik ahvolidan kelib chiqib ish yuritilmoqda.
Har bir tuman, shahar va mahallalarni toifalarga ajratish hamda hokimliklar, sektorlar va jamoatchilik bilan hamkorlikda “jinoyat oʻchoqlari”ni bartaraf etish uchun barcha zarur kuch va vositalarni jalb qilgan holda huquqbuzarliklarning oldini olish va jinoyatchilikka qarshi kurashishning asosiy boʻgʻini sifatida Ichki ishlar organlarining tayanch punktlari negizida mahalla huquq-tartibot maskanlari bosqichma-bosqich tashkil etildi.
Mahalla huquq-tartibot maskani tomonidan jamoat xavfsizligini taʼminlash, huquqbuzarliklarning oldini olish va jinoyatchilikka qarshi kurashish ishlarini tizimli tashkil etish va muvofiqlashtirish vazifasi profilaktika inspektoriga yuklandi. Bundan tashqari, profilaktika inspektoriga masofadan turib, murojaat yuborish va uni koʻrib chiqish jarayonini kuzatib borish, aholi bilan oʻzaro tezkor muloqotni yoʻlga qoʻyish, profilaktika inspektorlari va sektor rahbarlari faoliyatiga baho berish imkonini beruvchi “Smart mahalla” axborot dasturi ishlab chiqilganligi muhim ahamiyat kasb etmoqda.
Huquqbuzarliklar va jinoyatchilikning oldini olishda profilaktika inspektorining oʻzi xizmat koʻrsatadigan hudud boʻyicha hokimliklar, jamoat tashkilotlari, hududda istiqomat qiluvchi volontyorlar bilan doimiy hamkorligi soha boshqaruv tizimi oldida turgan umumiy vazifalar hamda mavjud muammolarni hal etishda kuch va vositalarni toʻgʻri tashkil etish imkonini beradi.
Ravshanbek EGAMBERGANOV,
IIV Akademiyasi 308-guruh kursanti.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
