ZULFIYaXONIM IZDOShLARI
Shu yilning 22-fevral kuni tuman XTMFMTTEB va "Barkamol avlod” bolalar markazi hamkorligida Oʻzbekiston xalq shoirasi Zulfiya tavalludining 101 yilligi munosabati bilan "Zulfiyaxonim izdoshlari” nomli ijodkor qizlar tanlovi oʻtkazildi.
Tanlovda tumanimizdagi barcha umumtaʼlim maktablaridan ijodkor qizlar qatnashdilar. Tanlovning asosiy maqsadi ijodkor qizlarni maʼnaviy-ruhiy, huquqiy jihatdan qoʻllab-quvvatlash, ularning aqliy, maʼnaviy va intellektual salohiyatini yuksaltirish, kasbga yoʻnaltirish va hayotda oʻz oʻrnini topishlariga yordamlashish orqali jamiyatdagi mavqeini oshirish hamda yosh ijodkor qizlarning ijodiy ishlari taʼsirchanligini koʻtarish va ularning ijodini ragʻbatlantirishdan iboratdir.
Nazm, nasr va publitsistika yoʻnalishlari boʻyicha 147 nafar ijodkor qizlar ishtirok etgan tanlov "Tayanchimsan, suyanchimsan, faxr-u iftixorimsan muqaddas Vatan!” shiori ostida juda maroqli oʻtdi.
Tanlovda ishtirok qilgan yosh ijodkorlar bir-birlarining ijodlari bilan tanishib, oʻzaro doʻstlashdilar. Nazm va nasr, publitsistika yoʻnalishlari boʻyicha adabiy suhbatlar qilishib, Zulfiya ijodidan namunalar oʻqidilar.
Zulfiya OLLAYoROVA.
(Foto - http://www.adolatgzt.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
