QISQA SATRLARDA
XALQARO TEATR KUNIGA BAGʻIShLANDI
Shu yilning 25-mart kuni Nukus tumanida 27-mart – Xalqaro teatr kuniga bagʻishlanib Respublikamizda faoliyat koʻrsatayotgan drama jamoalari va qoʻgʻirchoq teatrlarining koʻrik-tanlovi boʻlib oʻtdi. Unda tuman Madaniyat va aholi dam olish markazida tashkil etilgan drama toʻgaragi aʼzolari ham qatnashib, faxrli ikkinchi oʻrinni egalladilar.
Nodirbek Qodirov sahnalashtirgan "Sehrli kursi” deb nomlangan koʻrinishni ijro etgan toʻgarak aʼzolari Abror Bozorboyev, Nodirbek Qurbonboyev, Abbos Abdurahimov, Farruh Gabdulxabirov, Shahnoza Aminboyeva, Qunduzoy Eshchanovalarning aktyorlik mahoratini hakamlar hayʼati yuqori baholadilar va kelgusida toʻgarak faoliyatini yanada yangi bosqichga koʻtarishlariga ishonch bildirdilar.
"MAʼNAVIYaT KUNLARI” TADBIRLARI OʻTKAZILDI
"Jayxun ilhomlari” NNT tomonidan "Yuksak maʼnaviyatli avlod – yurt kelajagi” loyihasi doirasida 16-25-mart kunlari tumanimizdagi 40-sonli, 64-sonli umumtaʼlim maktablarida, Amudaryo xizmat koʻrsatish va servis hamda Amudaryo maishiy xizmat koʻrsatish kasb-hunar kollejlarida "Maʼnaviyat kunlari” tadbirlari oʻtkazildi.
Tadbirlarda "Taraqqiyot koʻzgusi” va "Mening oilam” gazetalari maxsus muxbiri, Qoraqalpogʻistonda xizmat koʻrsatgan jurnalist Robiya Yoʻldosheva milliy istiqlol gʻoyasi targʻiboti hamda maʼnaviy-maʼrifiy tarbiya mavzusida maʼruza qildi.
Tashkilotchilar "Ommaviy madaniyat”, missionerlik harakatlari, har xil buzgʻunchi oqimlar, internet tarmoqlari orqali yoshlar ongini zaharlashga xizmat qiluvchi mafkuraviy xurujlar va ularning yoshlar maʼnaviyatiga salbiy taʼsirlari xususida gapirib, yoshlarni qiziqtirgan savollarga batafsil javoblar berdi.
Tadbirlarda "Jayxun ilhomlari” NNT tomonidan "Koʻchma kutubxona” tashkil etilib, yoshlar bilan "Kitob sayillari”, "Kitobxonlik-maʼnaviyat kaliti” tadbirlari oʻtkazildi. Oʻquvchi-yoshlar "Oʻzbekiston”, "Sharq”, "Gʻafur Gʻulom”, "Muharrir” va "Yangi asr avlodi” nashriyotlarida chop etilgan eng sara kitoblarni oʻqish uchun tanlab oldilar.
"OILA TINChLIGI – YuRT OBODLIGI”
Shu yilning 30 mart kuni tuman Madaniyat va sport ishlari boʻlimida Oʻzbekiston "Milliy tiklanish” demokratik partiyasi tuman Kengashining "Ayollar qanoti” tomonidan "Onalar saodati – mustaqillik samarasi” loyihasi doirasida "Oila tinchligi – yurt obodligi” deb nomlangan koʻrik-tanlovning tuman bosqichi oʻtkazildi.
Koʻrik-tanlov ishtirokchilari 4 ta shart boʻyicha oʻzaro bellashdilar. Gʻolib chiqqan oila koʻrik-tanlovning Qoraqalpogʻiston Respublikasi bosqichiga yoʻllanmani qoʻlga kiritdi.
DAVRA SUHBATI
Shu yilning 1 aprelida 3-sonli Amudaryo akademik litseyida "Yurtimizda tinchlik va osoyishtalikni saqlashga har birimiz masʼulmiz” mavzusida davra suhbati oʻtkazildi.
Tadbirni OʻzXDP tuman Kengashi raisi M.Saʼdullayev ochdi va olib bordi. Soʻzga chiqqanlar yurtimizda yoshlarni oʻz ona Vataniga muhabbat, milliy va diniy qadriyatlarimizga hurmat ruhida tarbiyalashga alohida eʼtibor berilayotganini taʼkidladilar. Yoshlarni yurtimizning yanada gullab-yashnashiga munosib hissa qoʻshishga chaqirdilar.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
