TUMANIMIZ OBOD VA FAROVON GOʻShAGA AYLANMOQDA

Eng ulugʻ, eng aziz bayramimiz – Oʻzbekiston Respublikasi Mustaqilligining 25 yilligi tobora yaqinlashmoqda. Bu qutlugʻ sana oldidan shu davr mobaynida bosib oʻtgan yoʻlimizni, yurtimizda amalga oshirilgan katta bunyodkorlik ishlarini sarhisob qilar ekanmiz, istiqlol yillarida  tuman Obodonlashtirish boshqarmasi faoliyatida juda katta oʻzgarishlar va yangilanishlarga erishilganligining guvohi boʻlamiz. Obodonlashtirish boshqarmasi Mustaqillik yillarigacha "Rayon Kommunal foydalanish boshqarmasi” nomi bilan yuritilib kelingan boʻlib, 1998 yildan  "Kommunal xizmat” tashkiloti nomi bilan atalgan. Shu yillar  oraligʻida tashkilotda 32 nafardan ortiq ishchi-xodimlar mehnat qilgan boʻlsa, bugungi kunga kelib boshqarmada 156 nafardan ziyod ishchi-xodimlar faoliyat koʻrsatib kelishmoqda. Qoraqalpogʻiston Respublikasi Vazirlar Kengashining 2003-yil 27-iyun kungi 138/3-sonli, tuman hokimining 2003-yil 30-iyun kungi 343-sonli "Shahar va tumanlar Obodonlashtirish boshqarmalarini tashkil etish haqida”gi   qarorlari bilan tuman Obodonlashtirish boshqarmasi tashkil etilib, tuman hokimligi tasarrufiga olindi. 2009-2012-yillar mobaynida boshqarmaning moddiy texnika bazasini mustahkamlash uchun 679 mln. 330 ming soʻmlik 9 dona zamonaviy maxsus avto-transport vositalari – 1 dona ekskavator-pogruzchik traktori,  1 ta  suv sepish mashinasi,  1 ta axlat tashuvchi mashina, 1 ta  ichimlik suvi tashuvchi mashina, 3 ta transport traktori, 1 ta kran manipulyator, 1 ta "Damas” rusumli avtomashinalari bilan taʼminlandi. Ushbu texnikalar yordamida koʻchalarda obodonlashtirish, koʻkalamzorlashtirish ishlari sifatli bajarilib kelinmoqda.

Oʻzbekiston Respublikasi Prezidenti Farmonlari, Vazirlar Mahkamasining sohani rivojlantirishga oid turli yillardagi qaror va farmoyishlariga asosan tuman Obodonlashtirish boshqarmasi tasarrufidagi bino va inshootlar hududlarida olib borilgan obodonlashtirish ishlari bois, mustaqillik yillarida nafaqat Mangʻit shahri, balki tumanimiz ovullari qiyofasi tubdan oʻzgardi. Yashil maydonlar yanada kengaydi.

Oʻzbekiston Respublikasi Vazirlar Mahkamasining 2011-yil 4-aprel kungi 101-sonli, tuman hokimining 2012-yil 30-mart kungi 171-sonli qaroriga asosan tumandagi mavjud 75 ta qabriston Obodonlashtirish boshqarmasi ixtiyoriga oʻtkazilib, xayriya qutilari tashkil etildi, 25 ta qabristonda obodonlashtirish ishlari olib borildi va namunaviy holatga keltirildi. Qolgan barcha qabristonlarda keng qamrovli obodonlashtirish ishlari olib borilmoqda.

Oʻzbekiston Respublikasi Vazirlar Mahkamasining 2013-yil 10-yanvardagi 4-sonli, Qoraqalpogʻiston Respublikasi Vazirlar Kengashining 2013-yil 14-yanvardagi 17-sonli hamda tuman hokimining 2013-yil 26-yanvar kungi 59-sonli "Respublika aholi punktlarini obodonlashtirish ishlarini tashkil etishni takomillashtirish chora-tadbirlari toʻgʻrisida”gi qaroriga asosan tuman Obodonlashtirish boshqarmasi qayta tashkil etildi.

Oʻzbekiston Respublikasi Vazirlar Mahkamasining 2013-yil 3-dekabrdagi 315-sonli "Respublika aholi punktlarida sanitariya jihatidan tozalash tizimini rivojlantirish va takomillashtirish chora-tadbirliri toʻgʻrisida”gi qaroriga asosan tumanda  2014-2015-yillar davomida 351 ta chiqindi toʻplash punktlari qurildi.  Oʻrta qalʼa ovuli hududidagi 9,9 gamaydondagi chiqindi tashlash poligonini himoya devorlari bilan oʻrash ishlari  rejalashtirilgan.

Tuman hududidagi barcha aholi punktlarida, koʻchalarda obodonlashtirish, koʻkalamzorlashtirish ishlarini sifatli olib borish  orqali tumanimizni farovon va obod goʻshaga aylantirish – Obodonlashtirish boshqarmasi ishchi-xizmatchilarining zimmasidagi masʼuliyatli vazifadir.