HAYaJONLI DAMLAR YaQIN
Bizning "Yuqori qishloq” mahallamizda faoliyat koʻrsatayotgan 81-sonli boshlangʻich maktab binosi 1990-yilda qurib, foydalanishga topshirilgan.
Keyingi yillarda aholi sonining oʻsib borayotganligi munosabati bilan maktabimizda oʻquv xonalarining yetishmasligidan ancha qiynalayotgan edik. Albatta, bu oʻquvchilarning zamonaviy ilm-fan asoslarini talab darajasida oʻzlashtirishlariga salbiy taʼsir koʻrsatib kelayotgan edi.
Shu boisdan ham joriy yilda 60 oʻquvchi oʻringa moʻljallangan qoʻshimcha sinfxonalar qurilayapti. Qurilishga 283,5 million soʻm pul ajratilgan edi. Yangi sinfxonalarning qurilish ishlarini "Temir-Beton” masʼuliyati cheklangan jamiyati quruvchilari olib borishayapti. Ularning yozning har bir kunidan foydalanib, ishni yuqori surʼatlarda olib borganliklari tufayli qoʻshimcha sinfxonalar foydalanishga tayyor holga kelishiga oz qoldi.
Mana yozgi taʼtil ham oxirlab, maktablar oʻquvchilarni yangi oʻquv yiliga chorlaydigan damlarga ham oz fursatlar qolayapti.
Mahallamizning ilmga chanqoq farzandlari maktabimiz qoʻshimcha sinf xonalarining qurilishini qiziqib, quvonib kuzatib borishayapti. Oʻylaymanki, qoʻshimcha binoning ishga tushishi yozgi taʼtilda miriqib hordiq chiqarib, yangi oʻquv yiliga puxta tayyorgarliklar koʻrgan oʻquvchilarimiz uchun quvonchli voqea boʻladi.
Men 1989-yilda shu maktabda boshlangʻich sinf oʻqituvchisi boʻlib, mehnat faoliyatimni boshlagan edim. 1998-yildan buyon direktor lavozimida ishlab kelayapman. Uzoq yillik mehnat faoliyatim davomida yaratilgan sharoitlar, eʼtibor bolalar taʼlim-tarbiyasi sifatini oshirishda muhim omil boʻlishini oʻz tajribamda anglaganman. Shu maʼnoda olib qaraydigan boʻlsak, oʻqitish uchun imkoniyatlarimiz kengaygani biz oʻqituvchilar jamoasini yanada samarali mehnat qilishga undaydi.
Mana barcha oʻquvchilar, oʻqituvchilar orziqib kutgan Mustaqilligimiz bayrami va yangi oʻquv yili yaqinlashmoqda. Shu munosabat bilan barcha kasbdoshlarimni qizgʻin tabriklayman, masʼuliyatli ishlarida muvaffaqiyatlar tilayman.
Bozorgul MATQURBONOVA,
81-sonli boshlangʻich maktab direktori.
(Foto - http://uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
