OʻQIShNI OʻRGANGAN BOLAJONLAR QUVONChI
2019-2020 oʻquv yilida 50-sonli umumtaʼlim maktabining 1-sinfiga 42 nafar bola qabul qilindi. 1-sinflarda oʻquvchilarga harf tanish, husnixatda chiroyli yozish va oʻqishni oʻrgatishda boshlangʻich sinf oʻqituvchilari Sayyora Tojiboyeva hamda Nafisaxon Davlatboyevalar oʻquv yili uchun belgilangan dasturiy-reja asosida, hamkorlikda ish olib bordilar. Natijada oʻquvchilar “Alifbe” darsligini puxta oʻzlashtirib oldilar.
Yaqinda maktabda oʻtkazilgan savodxonlik bayramiga bagʻishlangan tadbirda maktab direktori Alisher Yeshniyozov oʻzining jajji bolajonlarga tabrigini yoʻlladi va ularning kelajakda ona Vatanga munosib farzandlar boʻlib voyaga yetishlari uchun ezgu tilaklar tiladi.
Savodxonlik bayramiga ota-onalar qoʻmitasi raisi Qurol Allakov Qorbobo va Qorqizni boshlab kelib, bolajonlarning quvnoq oʻyinlarini tashkil etdi. “Alifbe” kitobi va husnixat qoidasiga koʻra, 29 harf tarzida saf tortgan oʻquvchilar har bir harf ishtirokidagi sheʼrlar, maqol va hikmatli iboralarni yoddan aytishib, ota-onalarini xursand qildilar. Yalmogʻiz kampir va uning tanbal qizini Yaxshivoy yaxshilik tomon yetaklab, tanbal qizning bilimdon bolalar safidan joy olishiga koʻmaklashdi.
Tadbir ishtirokchilari boʻlgan ota-onalar farzandlarini “Alifbe”kitobini toʻliq oʻzlashtirganliklari bilan tabriklab, oʻz sovgʻalarini ulashdilar. Qorbobo bilan Qorqiz esa bolajonlarni “Oʻqish kitobi”ni qabul qilib olganliklari, ilm sirlarini puxta oʻzlashtirish sari dadil kirishganlari bilan muborakbod etishib, bilimdon, aʼlochi oʻquvchilarga Yangi yil sovgʻalarini taqdim etishdi.
Savodxonlik bayrami oʻqishni oʻrgangan bolajonlarning quvnoq sheʼrlari, ashula va raqslari hamda cheksiz quvonchlari bilan yanada fayzli oʻtdi.
Robiya YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
