Huquqni muhofaza qiluvchi organlar masʼullari yoshlar bilan uchrashuv oʻtkazishdi
28-oktyabr kuni Amudaryo tumani muhandislik texnikumida yoshlarni qonunchilikdagi yangiliklar bilan tanishtirish, ularning huquqiy madaniyatini oshirish, yoshlar oʻrtasida jinoyat va huquqbuzarliklarning oldini olish, yot gʻoyalar taʼsiriga tushib qolishlariga qarshi kurashish maqsadida tumandagi huquqni muhofaza qiluvchi organlar masʼullari yoshlar bilan uchrashuv oʻtkazdi.
Uchrashuvda Jinoyat ishlari boʻyicha tuman sudi raisi Jasur Oʻrazboyev, Fuqarolik ishlari boʻyicha tuman sudi raisi Qayrulla Atamuratov, tuman prokurori yordamchisi Abbos Niyozimbetov, Yuridik xizmat koʻrsatish markazi boshligʻi Nilufar Jumaniyazova, «Madad» muassasa shaklidagi nodavlat notijorat tashkiloti Amudaryo tumanidagi huquqiy maslahat byurosi bosh mutaxassisi Davron Pirmanov, tuman IIB voyaga yetmaganlar masalalari boʻyicha inspektor psixolog Oʻktam Sitboyev, tuman Ichki ishlar boʻlimi profilaktika inspektori Miyirbek Uzaqbergenovlar ishtirok etdilar.
Muhandislik texnikumida taʼlim olayotgan bir guruh yoshlarni jalb qilgan holda tashkil etilgan uchrashuvda Jinoyat ishlari boʻyicha tuman sudi raisi Jasur Oʻrazboyev yoshlar oʻrtasida sodir etilayotgan jinoyatlar, ularni keltirib chiqaruvchi sabablar va omillar, turli jinoyatlarning salbiy oqibatlari, jinoyatlar boʻyicha qatʼiy javobgarlik belgilanishi xususida atroflicha maʼlumot berdi.
Taʼkidlanganidek, yoshlar oʻrtasida huquqbuzarlik va jinoyatchilikning oldini olish masalasi bugungi kunda yoshlarga oid davlat siyosatining ustuvor yoʻnalishlaridan biridir. Shu maʼnoda mamlakatda huquqni muhofaza qiluvchi organlar, vazirlik va idoralar hamda nodavlat notijorat tashkilotlari bilan birga jamoatchilik vakillari tomonidan yoshlarning siyosiy faolligini oshirish, huquqiy ongi va madaniyatini rivojlantirish hamda yoshlar oʻrtasida jinoyatchilikni oldini olish borasida tashkil etilayotgan targʻibot-tashviqot ishlari salmogʻi tobora ortib bormoqda.
Tumanimiz yoshlari bilan oʻtkazilgan targʻibot uchrashuvida Fuqarolik ishlari boʻyicha tuman sudi raisi Qayrulla Otamuratov yoshlar oʻrtasida erta nikoh qurishning salbiy oqibatlari, oilaviy ajrimlar sonining koʻpayishiga olib kelayotgan omillar, farzandning ota-ona oldidagi burch va majburiyatlari xususida keng turda tushunchalar berib oʻtdi.
Uchrashuvda tuman yuridik xizmat koʻrsatish markazi boshligʻi Nilufar Jumaniyazova Davlatimiz rahbarining “Davlat organlari va tashkilotlariga yuridik xizmat koʻrsatish faoliyatini yanada takomillashtirish chora-tadbirlari toʻgʻrisida”gi Qarori bilan shahar va tuman adliya boʻlimlari huzurida davlat tashkilotlariga yuridik xizmatlar koʻrsatish markazlari tashkil etilganligi, shuningdek, shu yil 1-oktyabrdan Amudaryo tumanida ham Yuridik xizmat koʻrsatish markazi oʻz faoliyatini boshlaganligi haqida maʼlumot berib, yoshlarga huquqiy maslahat va koʻmak lozim boʻlsa, markazga murojaat qilishlari lozimligi hamda markazdagi xodimlarning bu borada samarali faoliyati yoʻlga qoʻyilgani xususida soʻz yuritdi.
Shuningdek, uchrashuvda yoshlarga mehnat qonunchiligidagi qator yangiliklar, yoshlar bandligini taʼminlashda yaratilayotgan imkoniyatlar, kelajak egalari boʻlgan yoshlarning sifatli taʼlim-tarbiya olishlari barkamol avlod boʻlib voyaga yetishlariga qaratilgan eʼtobor haqida soʻz yuritildi. Yoshlar turli masalalar boʻyicha oʻzlarini qiziqtirgan savollarga aniq javoblar oldilar hamda qiziqishlari, ozru-istak va maqsadlari bilan oʻrtoqlashdilar.
Tuman hokimligining Axborot xizmati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
