HARBIYLAR IMKONIYaTI ChEKLANGAN QIZ HOLIDAN XABAR OLDILAR

Hayotda kim ham emin-erkin harakatlanib, yayrab, hech kimdan kam boʻlmay yashagisi kelmaydi, deysiz? Biroq bu sinovli dunyoda har kimga har xil taqdir nasib etgan.

Doʻrman ovulida yashovchi Muxtor Husainovning oilasida 2012-yil 21-martda dunyoga kelgan qizaloq  Mohinurning ham imkoniyatlari cheklangan. Qoʻni-qoʻshni, qarindoshlar, tengqurlari Mohinurdan tez-tez xabar olib, uni xursand qilishga harakat qilishadi, turli mavzularda suhbatlashadi.

Xalqimizning koʻngli yarim, imkoniyati cheklanganlardan xabar olib turish, dardiga sherik boʻlib turishdek azaliy odatlari borki, shular tufayli oʻksik koʻngillarga quvonch ulashiladi.

Shu yilning 1-dekabrida tumanimizda faoliyat yuritayotgan Davlat xavfsizlik xizmatiga qarashli 92-02 harbiy qism komandiri Alijon Ravshanov bir guruh xarbiy xizmatchilar bilan birga Muxtor Husainovning xonadoniga borib, Mohinurning holidan xabar olishdi. Unga kundalik ehtiyoj uchun ishlatiladigan 2 qon un, 5 litr moy, kartoshka, kolbasa, goʻsht, guruch, tuxum va turli shirinliklar, qish mavsumiga mos kiyim-kechaklar sovgʻa qilishdi.

Bir koʻngil – ming Kaʼba, deydi xalqimiz. Qish faslining ilk kunida xayr-ehson qilib, bir imkoniyati cheklangan norasida qizning holidan xabar olgan harbiy xizmatchilardan uning oila aʼzolari, qoʻshnilari ham xursand boʻldi va yoʻqlab kelganliklari uchun minnatdorchilik bildirishdi.

Otabek MAHMUDOV, harbiy xizmatchi.