TURKMAN GILAMLARINI XARID QILING VA OʻZ XONADONINGIZGA KOʻRK BAGʻIShLANG!
Qayerda deysizmi, Turkmanistonga bormasdan tumanimizning oʻzidayoq sizga shunday imkoniyat yaratamiz. Siz xohlagan oʻlchamdagi asl, nafis turkman gilam va paloslarini sotib olishingiz yoki ularga buyurtma berishingiz mumkin.
Tumandagi Amir Temur nomli ovul hududidagi Mehnatkash aholi punktida asosan turkman millatiga mansub aholi istiqomat qiladi. Hudud aholisi asosan dehqonchilik bilan shugʻullanadi.
Aytish joizki, qariyb yigirma yildan buyon ushbu hududdagi aholi shugʻullanadigan qadimiy va milliy hunarmandchilik turlaridan biri boʻlgan turkman gilamdoʻzligi toʻxtab qolgan edi. Ushbu faoliyat bugunga kelib, tuman prokuraturasi tashabbusi va boshqa masʼullarning jonbozligi tufayli qayta yoʻlga qoʻyildi.
Mehnatkash aholi punktida yashovchi ishsiz aholining bandligi taʼminlanishiga koʻmaklashish maqsadida tuman prokuraturasi tomonidan 5 ta xonadonga toʻqish stanogini oʻrnatib berilib, gilam toʻqish uchun zarur boʻlgan mahsulotlar va boshqa toʻqish uskunalari bilan taʼminlandi. Oʻtgan yilning bahor oylarida faoliyat boshlagan gilamdoʻzlik tsexlarida ayni paytda biri-biridan chiroyli gilam va paloslar toʻqilib, xaridorlarga yetkazib berilmoqda.
Qadimdan maʼlumki, qardoshlarimizning anʼanaviy gilamdoʻzligi qoʻl mehnatiga asoslanadi. Gilamlarda rang-barang naqshlar, manzaralar, ushbu xalq milliy qadriyatlari, anʼanalari, mahalliy hayvonot va nabotot olami tasvirlanadi. Ushbu kasb asrlardan asrlarga, avlodlardan avlodlarga oʻtib kelayotgani uchun ham juda qadrlanadi. Shu sababli turkman gilamdoʻzligi insoniyat nomoddiy madaniy boyligining Reprezentativ roʻyxatiga kiritilgan.
Aziz yurtdoshlar, biz bilan bir hududda yashab kelayotgan qardoshlarimiz qoʻl mehnati bilan yaratilgan, biri-biridan chiroyli, qadimiy va zamonaviy andozalardagi naqshlar uygʻunlashgan, fusunkor va bejirim turkmaniy gilamlar, paloslarni siz ham xarid qilishingiz mumkin.
Agarda xonadoningizni asl gilamlar bilan bezab, koʻrkiga koʻrk qoʻshmoqchi boʻlsangiz, tumanimizdagi Amir Temur nomli ovul hududidagi Ayna Bayrammurodova xonadonida tuman prokuraturasi tashabbusi bilan tashkil qilingan tsexga tashrif buyurib, oʻz koʻzingiz bilan koʻring va xarid qiling.
Qoʻshimcha maʼlumotlar uchun: 94 451 87 06 telefon raqamiga qoʻngʻiroq qilishingiz mumkin.
Ozoda Xudoyberganova
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
