OʻRIM-YIGʻIM MAVSUMIDAGI YoNGʻIN XAVFSIZLIGI QOIDALARI
Tumandagi fermer xoʻjaliklari tasarrufida jami 3800 gektar gʻalla maydoni mavjud. Ayni kunlarda gʻalla oʻrim-yigʻimiga qizgʻin tayyorgarlik ishlari avj olgan. Favqulodda salbiy hodisalarning oldini olish maqsadida oʻtkazilgan nazorat ishlari davomida gʻalla oʻrim-yigʻim mavsumiga 18 ta otryad tashkil qilinib, 18 ta oʻrim kombayni jalb etilgan maʼlum boʻldi. Lekin hozirgi kunda ularning birontasi yongʻin oʻchirish vositalari bilan toʻliq taʼminlanmagani, xavfsizlik qoidalariga toʻla javob bermasligi aniqlandi.
Bundan tashqari, “Qipchoq don” qabul qilish maskanining bugungi kundagi favqulodda va yongʻin xavfsizligi holati oʻrganib chiqilganda, qator kamchiliklar kuzatildi. Maskanda 4 dona birlamchi yongʻin oʻchirish qalqonlari oʻrnatilgan. Ularda 2 donadan OP-5 markali yongʻin oʻchirish vositasi boʻlishi lozimligi, ammo hozirda 1 donadan oʻrnatilgani, u ham nosoz holatdaligi, maskanda 1 dona 60 tonna yongʻinga qarshi yopiq suv sigʻimi mavjudligi, suv tortish nasosi va suv uzatish shlanglari bilan taʼminlanmagani maʼlum boʻldi. Shuningdek, maskandagi gʻalla saqlanadigan yopiq omborlarning tom va yogʻoch buyumlariga yongʻinni pasaytiruvchi kimyoviy qorishma bilan ishlov berilmagani, barcha elektr simlar va uskunalarning elektr kabellari tashqi himoya qobiqlari chidamlilik darajasi mutaxassislar tomonidan laboratoriya sinovidan oʻtkazilib, dalolatnoma tuzilmagani, maskan hududi yongʻinning oldini olishga doir eslatma va plakatlar bilan jihozlanmagani aniqlandi.
Oʻrim-yigʻim mavsumi davomida gʻallazorlarda yongʻin xavfsizligini taʼminlash uchun belgilangan qoidalarga amal qilish, uchqun tushish tufayli sodir boʻladigan yongʻinlarning oldini olish kerak. Avtomobil, temir yoʻllari va elektr uzatish liniyalari yaqinidagi dalalarning oʻtlari 8 metr kenglikda oʻrib olinishi va 4 metr kenglikda shudgor qilinishi shart.
Aziz yurtdoshlar, gʻalla oʻrim-yigʻimi mavsumida yongʻin xavfsizligi qoidalariga amal qilib, ogʻir oqibatlar kelib chiqishining oldi olinishiga hissa qoʻshaylik!
A.Yusupov, tuman FVB YoN va PB inspektori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
