Yurt madhi

Ustoz jurnalist Saʼdulla Xoʻjaniyozovning "Yashna, yashna Amudaryom” sheʼri bir paytlar tumanimiz ahlining eng sevimli sheʼri edi. Bu sheʼr bilan aytiluvchi qoʻshiq esa salkam yarim asr davomida amudaryoliklarning tilidan tushmadi.

Albatta, qoʻshigʻing butun bir elning qalb mulkiga aylansa, bu - baxt. Ammo, vaqt oʻtishi bilan sheʼrdagi voqeliklarning zalvori pasayadi, qahramonlar hayot sahnasini tark etadi. Bunday paytda sheʼrni yangi obrazlar bilan boyitish, unga zamon, davr ruhini kiritish zarurati yuzaga keladi. Shu maqsadda bugun tumanimizdagi yangilik va oʻzgarishlardan, yurtdoshlarimizning yutuqlaridan ilhomlanib, ushbu yangi qoʻshigʻim dunyogakeldi:

Yashna, yashna Amudaryom!

(Qoʻshiq)

Joʻshqin Amu boʻylarina,

Yastangansan Amudaryom.

Qonib uning suvlarina,

Yashnagansan Amudaryom!

S.Xoʻjaniyozov.

Amu boʻyida qoʻsh sohil,

Gullab yashnagan serhosil.

Tuprogʻing zar, xalqing ahil,

Yashna, yashna Amudaryom!

Oʻtmishingdan soʻzlar Chilpiq,

Buguningdan qomating tik.

Moziy, bugundan xush bitik,

Yashna, yashna Amudaryom!

Xalqing paxtakor, sohibkor,

Dala-bogʻlaring maftunkor,

Peshona terdan chamanzor,

Yashna, yashna Amudaryom!

Mangʻit, Qipchoq Toshyop – soying,

Mavjlari ochar chiroying.

Bagʻring bogʻ-u boʻston doim,

Yashna, yashna Amudaryom!

Sen Jumurtov, Toʻlqin, Xitoy,

Qangli, Mangʻit ham Qilichboy.

Sen Nazarxon, Berdaq, Bekboy -

Yashna, yashna Amudaryom!

Istiqlol ochgan chiroying,

Bugun obod hamma joying.

Namunasan yurtga doim,

Yashna, yashna Amudaryom!

Qoraqalpoqda birinchi,

Paxtakor, ishchi, quruvchi.

Har sohada ilgʻor – kuchli,

Yashna, yashna Amudaryom!

Sen ziyokor oʻqimishli,

Sen ijodkor ilhom – yoʻshli,

Sen tadbirkor – bozor husni,

Yashna, yashna Amudaryom!

Bozorlaring obod toʻkin,

Mahsulotlaring suv – tekin.

Patir-noning doim butun,

Yashna, yashna Amudaryom!

Obod har bir xonadonim,

Uydan arimas mehmonim.

Sahovatli bekajonim,

Yashna, yashna Amudaryom!

Mehmonlarga manzur gurvak,

Meva-chevangga yoʻqdir gap.

Taomnomang: palov, boʻrak,

Yashna, yashna Amudaryom!

Goʻsht ham baligʻing shohona,

Dovrugʻi ketgan jahona.

Besh yulduzli mehmonxona –

Yashna, yashna Amudaryom!

Bosh shaharing – qalʼang Mangʻit,

Qadim hamda navqiron kent.

U – uzukka qosh qoʻygandek,

Yashna, yashna Amudaryom!

Mangʻitdagi qurilishlar,

Obodonchilik yumushlar.

Soʻzanaga zarrin naqshlar,

Yashna, yashna Amudaryom!

Koʻchalaring keng va ravon,

Har qadamda bitta doʻkon.

Ha, sen shunday obod makon,

Yashna, yashna Amudaryom!

"Amudaryo tekstil”ing,

Kiyintirar hali eling,

Harir libosdagi kelin –

Yashna, yashna Amudaryom!

Yoshlar uy-joy majmuasi,

Mini futbol maydonchasi,

Deyman, bu bir debochasi,

Yashna, yashna Amudaryom!

Istirohat bogʻing koʻrkam,

Tomoshalari rango-rang.

Bolajonlar yayrar biram,

Yashna, yashna Amudaryom!

Obod bilim maskanlaring,

Ilmga chanqoq yoshlaring.

Ishni ziyodan boshlading

Yashna, yashna Amudaryom!

Otaxonlaring donishmand,

Imon-eʼtiqodi baland.

Qadriyatlar ila payvand,

Yashna, yashna Amudaryom!

Avliyolar yashab oʻtgan,

Olloh yorlaqagan gulshan.

Xizr nazar solgan elsan,

Yashna, yashna Amudaryom!

Senda yotar bobom hoki,

Baxtim kular, sen bor toki.

Kelajak avlodlar haqqi,

Yashna, yashna Amudaryom!

Ha, sen - niyatlar ezgusi,

Vatanimning bir chizgisi.

Sen – taraqqiyot koʻzgusi,

Yashna, yashna Amudaryom!

Paxtang, pillang tillo elim,

Sendek yurt yoʻq, illo elim.

Ravnaq top va gulla elim,

Yashna, yashna Amudaryom!

Banklaring bor turli-turli,

Kelajaging buyuk, nurli.

Boy-badavlat yurtning biri,

Yashna, yashna Amudaryom!

Pir-badavlat boʻlgin elim,

Qayga choʻzsang, yetsin qoʻling.

Sogʻ boʻl, ochiq boʻlsin yoʻling,

Yashna, yashna Amudaryom!

Shifo maskanlaring obod,

Tibbiy xizmatdan xalqing shod.

Senda oʻsar sogʻlom avlod,

Yashna, yashna Amudaryom!

Tuman tibbiyot birlashmang,

Yuzingga xoldek yarashgan.

Sen hech kimdan emassan kam,

Yashna, yashna Amudaryom!

Jayhun kabi qalbing joʻshqin,

Xalqing borki, rizqing toshqin.

Mehnat qilib surgin gashtin,

Yashna, yashna Amudaryom!

Mehnat yutuqqa kafolat,

Intilganga kular omad.

Mehnat qilib topding rohat,

Yashna, yashna Amudaryom!

Buni yozdi Xoʻjaniyoz,

Qirq yil jarang sochdi bu soz.

Madhing kuylar shogird-ustoz,

Yashna, yashna Amudaryom!

Intilding, boʻldi tole yor,

Husni – jamoling maftunkor.

Hayratiyga sen iftixor,

Yashna, yashna Amudaryom!

Tojiboy DOʻSANOV, shifokor.