YoNGʻIN XAVSIZLIGI OYLIGI MUVAFFAQIYaTLI DAVOM ETMOQDA

Favqulodda vaziyatlarning oldini olish va ularni bartaraf etish boʻyicha Hukumat komissiyasining, Qoraqalpogʻiston Respublikasi Vazirlar Kengashining va Amudaryo tumani hokimligining bayonlari ijrosini taʼminlash maqsadida 2022-yil 15-noyabr-15-dekabr kunlari oraligʻida “Yongʻin xavsizligi oyligi” oʻtkazilmoqla.

Oylikni oʻtkazish davri mobaynida iqtisodiyot tarmoqlari, ijtimoiy soha obʼektlari hamda uy-joy fondida yongʻin xavfsizligini taʼminlash borasida lozim boʻlgan rejaviy chora-tadbirlar ham ishlab chiqilib, amaliyotga joriy qilinmoqda.

Avvalo shuni alohida taʼkidlash kerakki, Amudaryo tumanida 2022-yilning oʻtgan davri mobaynida iqtisodiyot tarmoqlari, ijtimoiy soha obʼektlari hamda uy-joy fondida yongʻin xavfsizligini taʼminlashga qaratilgan keng koʻlamli ishlar olib borilmoqda.

Xususan, yongʻinlarning oldini olish yoʻnalishida roʻyxatga olingan obʼektlarda rejali va nazorat tartibidagi tekshirishlar, tadbirkorlik subʼektlariga tegishli obʼektlarda yongʻinga qarshi profilaktik koʻriklar oʻtkazilib, bu boʻyicha aniqlangan kamchiliklar toʻliq bartaraf etildi.

Bundan tashqari, yakka tartibdagi uy-joylar, koʻp xonadonli uylar va ulardagi xonadonlarning yongʻinga qarshi holati jiddiy tekshiruvdan oʻtkazildi. Aholi bilan, shuningdek, oʻquv muassasalarida taʼlim olayotgan oʻquvchi-yoshlar bilan yongʻin xavfsizligini taʼminlashga qaratilgan targʻibot tadbirlarini har bir ovul va mahallada, taʼlim-tarbiya muassasalarida oʻtkazishga alohida eʼtibor qaratilmoqda.

Jumladan, kuz-qish mavsumi davrida yongʻinlarning oldini olish yoʻnalishida roʻyhatga olingan obʼektlarda rejali va nazorat tartibidagi tekshirishlar belgilangan boʻlib, mahallalarda, oʻquv muassasalarida tushuntirish-targʻibot ishlari olib borilmoqda.

Xususan, tuman 55-sonli umumtaʼlim maktabi oʻqituvchi va oʻquvchilari ishtirokida yongʻin-qutqaruv texnikalari va vositalarini namoyish etish buyicha koʻrgazmali uchrashuv oʻtkazildi. Uchrashuvda tuman favqulodda vaziyatlar boʻlimi xodimlari tomonidan yongʻin oʻchirish avtomobili va asbob-anjomlar xususida zarur tushunchalar berildi.

Boʻlib oʻtgan uchrashuvda yongʻin xavfsizligi oyligi davrida favqulodda vaziyatlar xodimlari va aholining yongʻin xavfsizligi talablariga rioya qilishlari zarurligi taʼkidlandi hamda oʻqituvchi va oʻquvchilarni qiziqtirgan savollar mutaxassislar tomonidan atroflicha javoblar berildi.

Ayni kunlarda tumanning barcha hududlarida “Yongʻin xavfsizligi oyligi” doirasidagi tadbirlar davom etmoqda. Boʻlib oʻtayotgan uchrashuv tadbirlaridan tashqari, oʻsib kelayotgan yosh avlodni qutqaruvchi kasbiga qiziqtirish maqsadida namunaviy va eng zamonaviy texnikalar bilan jihozlangan yongʻin-qutqaruv qismlarida “Ochiq eshiklar kuni” tadbirlari ham oʻtkazilmoqda.

Unda ishtirok etayotgan umumtaʼlim maktablarining yuqori sinf oʻquvchilari yongʻin-qutqaruv qismlari xodimlari, muhandis-texniklari bilan birgalikda favqulodda vaziyatlarda yongʻin xavfining oldini olish, yongʻin xavfi yuz berganda tezkor evakuatsiya va qutqaruv xizmatlarini amalga oshirish boʻyicha mashgʻulotlarda ham faol qatnashmoqdalar.

Mazkur oylik doirasida amalga oshirilayotgan bu kabi tadbirlar aholining, ayniqsa, oʻquvchi-yoshlarning yongʻin xavfining oldini olish borasidagi bilimlarini mustahkamlash imkonini bermoqda.

Robiya YOʻLDOShEVA.