Kuz ilhomlari

KOʻNGLIMGA

Agar har kim faqat oʻzi uchun yashasa: yesa, ichsa, kiysa, oʻlik-tirikka qatnashmasa, toʻy-maʼrakani bilmasa, ogʻa-inining yetar-yetmasidan xabari boʻlmasa, qurtdan ne farqi bor, boʻsagʻasi tillo boʻlsa ham?!

Artdingmi singlingning koʻzidan yoshni,

Chetga olib oʻtdingmi yoʻldagi toshni.

Baʼzida payqamay oyni, quyoshni,

Umring oʻtganini bilmay qolarsan!

Bir madad istabon kelganda singling,

Dardini aytolmay turganda ining.

Nega koʻr, kar boʻlding?! Nega boʻlding jim?!

Umring oʻtganini bilmay qolarsan?!

Juftingga shirin soʻz koʻrmabsan-ku ep,

Axir shu boʻldi-ku hayotingga zeb!

Kim boʻldi kafiling: "fursating koʻp!” - deb.

Umring oʻtganini bilmay qolarsan!

Jismingda suv, havo, tuproq bilan oʻt,

Har kuni bir reja qilasan xomchoʻt.

Hazrati Nuh kabi ming yil yashab oʻt -

Umring oʻtganini bilmay qolarsan!

Kimlarga pand berding, kimdan yeding pand,

Qachon ogʻu soʻrding, qachon soʻrding qand.

Koʻngling boʻlganida endi Haqqa band,

Umring oʻtganini bilmay qolarsan!

Tursunboy Abdullayev.

Mustaqil Vatanim

Vatanim, bepoyon kengliklaring koʻp,

Kengliklaring ichra hayot mujassam.

Purviqor togʻlaring, qaynar bulogʻing,

Koʻzimga toʻtiyo zarra tuprogʻing.

Senga kelgan sayyoh davroning koʻrib,

Oʻz yurtin unutib, hayron qoladi.

Bunyodkor elingning davronin koʻrib,

Imkon ufqlaringdan koʻzi toladi.

Oʻzbegim, dovrugʻing olamga ketdi,

Tinchlik kabutarin parvozi misol.

Qutlugʻ toʻy xabari dillarga yetdi,

Dillar ehtiromin qabul qilib ol!

Gulsara BOBOJONOVA,

73-sonli maktab oʻqituvchisi.

SARGʻAYa BOShLAGAN YaPROQLAR

Sargʻaya boshlagan yaproqlar,

Ezmoq istaydimi yurakni?!

Keltirar bu hollar mudroqlar,

Hech narsa emasdek kerakli.

Umrim-yey, xulosa topganday,

Hadikda qaraysan orqaga.

Behollik boqqa ham boqqanday,

Qarirsan, deganday ertaga.

Gʻaflatli uzlatni uloqtir,

Ey, mening ertakli hislarim!

Jarangdor ohanglar siyoqli

Koʻrinsin ovozim izlari!

Mahzunlik – kuzdagi toʻkilgan

Xazonga oʻxshagan hazinli.

Supurib, haydayin koʻngildan,

Kun kerak quvnoq va hazilli...

Sargʻaya boshlagan yaproqlar,

Yellarda oʻynanglar damo-dam,

Yayranglar, shoxlarni quchoqlab,

Hayotdan zavqlaning jamul-jam.

Jumaboy Hidoyatov.

MUSTAQIL BOʻSTONIM – OʻZBEKISTONIM

Biz baxtli yoshlarmiz, unutmang aslo,

Biznikidir kelajak, bizniki dunyo.

Sen-la faxrlansak arziydi bugun,

Mustaqil boʻstonim – Oʻzbekistonim.

Yoshlarga atalgan kuch, imkoniyatlar:

Uchishni xohlasang qanot berarlar.

Oʻzingning qoʻlingda qandayin uchmoq,

Baland parvoz qilmoq yoki qulamoq.

Ey farzand, koʻzing och, atrofga qara,

Dadil boʻl, qulama, yengilma aslo!

Chunki sen farzandi buyuk diyorning,

Mustaqil, hur Vatan – Oʻzbekistonning

Dilshoda RAHMONQULOVA,

Amudaryo akademik litseyi oʻquvchisi.

RAHMAT

(Birinchi ustozim Gulnora Rahimovaga)

Ilk bora kelganda qutlugʻ maskanga,

Bizni quvonch ila kutib oldingiz.

Dillarda uygʻotib mehr Vatanga,

Aziz insonimiz boʻlib qoldingiz.

Hayotda toʻgʻri yoʻl koʻrsatib bizga:

– Yaxshilik yoʻlidan yuring, – dedingiz:

Odamlar tashakkur aytadi sizga,

– Ezgulikdan qasr quring! - dedingiz.

Hayot sabogʻi-yu sizning oʻgitlar,

Qalblarga muhrlab boʻldik biz katta.

Minnatdormiz sizdan qiz-u yigitlar,

Boʻlamiz olim-u shoir, albatta.

Ustozim! Bizlarning birinchi ustoz,

Gʻam-tashvish koʻrmangiz aslo, dunyoda.

Mehnatlaringizga qancha taʼrif oz,

Rahmat aytar, oʻquvchingiz Iroda!

Iroda YeRDOShEVA,

38-sonli maktab oʻquvchisi.

Buvijonim

Boʻgʻirsoqlar pishirib,

Yaxshilarga ulashgan.

Koʻchalarni supirib,

Tozalikni oʻrgatgan.

Hayit kuni barchani,

Xursand qilgan buvijon.

Patir non va kulchani,

Oʻzi yopgan buvijon.

Hayit keldi Vatanga,

Oʻrningiz bilinyapti.

Ayriliqdan har damda,

Yuragim ezilyapti.

Zilola ShOMURODOVA,

40-sonli maktab oʻquvchisi.

KUZDA

Keng dalada paxtalar,

Shamollarda tebranar.

Barcha uchun ish qizgʻin,

Sidqi dildan terarlar.

Fermer aka sogʻ boʻlsin,

Paxta xirmon togʻ boʻlsin.

Tuprogʻi zar oʻzbekning,

Hosili moʻl-koʻl boʻlsin.

Oq momigʻim bunchalar,

Barakali oʻsimlik.

Tonna-tonna paxtalar,

Qalbga berar joʻshqinlik.

Erta tongdan odamlar,

Dalalarga chiqadi.

Barchasi birdam boʻlib,

Xirmonni toʻldiradi.

Dildora RAJABOVA.

Ustoz

Har kun bizni kutib olar,

Sogʻ boʻlsin, deb tilak tilar.

Ilm-u hunarlar oʻrgatib,

Joʻshqin hayotga yoʻllar.

Mehrda misli ummon,

U bir quyosh nurafshon.

Bosh egib taʼzimdadir,

Ustoz oldida jahon.

Sevinch Otajonova,

40-sonli maktab oʻquvchisi.

VATAN DESAM

Vatan, desam koʻz oldimga,

Otam bilan onam kelar.

Oilaning koʻz-quvonchi,

Ukam bilan opam kelar.

Vatan, desam koʻz oldimga,

Baland-baland togʻlar kelar.

Insonlarga rizq berguvchi,

Mevasi koʻp bogʻlar kelar.

Vatan, desam koʻz oldimga,

Obod Vatan koʻrki kelar.

Atrofi gullarga toʻla,

Keng, yorugʻ koʻchalar kelar.

Vatan, desam koʻz oldimga,

Charaqlagan quyosh kelar.

Obi-hayot manbai bu,

Tiniq-tiniq suvlar kelar.

Vatan, desam koʻz oldimga,

Erkin boʻlgan xalqim kelar.

Bu xalqimning yetakchisi,

Dono Islom bobom kelar.

Islom bobo, ming tasanno,

Ruhlaringiz boʻlsin shod.

Nomingizni dilda saqlab,

Unutmaymiz umrbod!

Aziza Oʻrozboyeva,

32-sonli maktab oʻquvchisi.

Ustozga taʼzim

Assalomu alaykum,

Ey aziz ustoz.

Jismingizga ismingiz,

Oʻzingiz ham mos.

Chehrangizday soʻzingiz,

Goʻzaldir doim.

Hattoki tanbehingiz

Boʻlar muloyim.

Boshim yerga tekkuncha,

Qilay men taʼzim.

Doim deyman sogʻ boʻling,

Aziz ustozim!

Elyor XUDOYBERGANOV,

59-sonli maktab oʻquvchisi.