QIZLAR NOMIGA DOGʻ TUShMASIN!
Xalqimizda qadim-qadimdan farzand tarbiyasiga alohida eʼtibor qaratilib kelingan. Ayniqsa, qizlar tarbiyasi murakkab hisoblanadi. Chunki qiz bola ota-onasining yuzi, aka-ukalarining gʻururi, mahallasi, qarindosh-urugʻlarining obroʻ-eʼtibori hisoblanadi.
Oʻzbek qizlari qadimdan ibo-yu hayosi, vafo-sadoqati, odob-axloqi bilan hurmat qozonib kelgan.
Hozirgi paytda ham odob-axloqi bilan barchaga namuna boʻlib kelayotgan, bilimli, iqtidorli, izlanuvchan tengdosh qizlarimiz har sohada oʻzini namoyon qilmoqda.
Shuning bilan bir qatorda kiyimlari singari, oʻzlarining ham yuzlari ochilib, "uyat” degan tushunchani unutib qoʻyayotgan qizlarning oramizda borligi dilimizni gʻash qiladi. Yigitlarimiz tomonidan "hozirgi paytda baʼzi qizlarga ishonib boʻlmaydi”, degan taʼrif berilmoqda.
Bunchalik ishonchni yoʻqotishga nimalar yoki qanday omillar sababchi boʻlyapti? Bunga koʻplab misollar keltirishimiz mumkin. Baʼzi bir qizlarimiz koʻp vaqtlarini internet, turli ijtimoiy tarmoqlarda yigitlar bilan gaplashishga, uchrashuvlarga sarflayotgani, ota-onalarining bunga eʼtiborsizligi oqibatida esa obroʻsi toʻkilishi holatlari kuzatilayotgani fikrimiz dalilidir. Bunday xatoni ular hayotga yengil qarash oqibatida qiladilar. Mana shunday holatlarning sodir boʻlayotganini koʻrgan qaysi yigit qizlarga ishonadi? Yigitlarning ishonchi yoʻqolishiga sabab boʻlayotgan bunday qizlar orqasidan yaxshi xulqli qizlarimizning ham nomiga putur yetadi. Aslida barcha aybni qizlarga toʻnkash nooʻrin boʻladi. Bunga qaysidir maʼnoda ota-onalarning qizlari tarbiyasidagi masʼuliyatsizligi ham sababchidir. Shunday ekan, aziz ota-onalardan qizlari tarbiyasiga eʼtiborli boʻlishlarini soʻrar edik.
Farida EShChANOVA,
3-sonli
Amudaryo akademik litseyi oʻquvchisi.
(Foto - http://uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
