Savol bering, javob qaytaramiz
Savol: - Fuqarolarga yakka tartibdagi uy-joy qurilishi uchun yer uchastkalari berish qanday tartibda amalga oshiriladi?
Javob: - Oʻzbekiston Respublikasi Vazirlar Mahkamasining 2006 yil 30-dekabrdagi 272-sonli Qaroriga asosan Yakka tartibda uy-joy qurish uchun yer uchastkasi tumanlar (shaharlar) hokimlari tomonidan qishloq xoʻjaligi va oʻrmon xoʻjaligi tarkibiga kirmaydigan yerlardan belgilangan tartibda faqat Oʻzbekiston Respublikasi fuqarolaridan tashkil topgan bir oilaga 0,06 gektargacha meros qilib qoldiriladigan umrbod egalik qilish uchun beriladi.
Yakka tartibdagi uy-joy qurilishi uchun 0,04 gektargacha yer uchastkalariga meros qilib qoldiriladigan umrbod egalik qilish huquqi belgilangan tartibda "kim oshdi” savdosida sotiladi.
Yakka tartibda uy-joy qurish (dehqon xoʻjaligini yuritish) uchun yer uchastkalariga meros qilib qoldiriladigan umrbod egalik qilish huquqini realizatsiya qilish boʻyicha ochiq "Kim oshdi” savdolarida Oʻzbekiston Respublikasi fuqarolari, xorijiy yuridik va jismoniy shaxslar – diplomatik korpus xodimlari, Oʻzbekiston Respublikasi roʻyxatiga olingan matbuot vakillari, doimiy vakolatxonalar, firmalar, kompaniyalar va xalqaro tashkilotlar xodimlari, qoʻshma korxonalarda doimiy asosda ishlovchi shaxslar, shuningdek Respublikada doimiy yashaydigan va yashash guvohnomasiga ega boʻlgan shaxslar qatnashishga haqli.
Yakka tartibda uy-joy qurishga 0,04 gektargacha, dehqon xoʻjaligini yuritishga 0,06 gektargacha yer uchastkasiga boʻlgan huquqlar "kim oshdi” savdosi asosida realizatsiya qilinadi. Yer uchastkalar boʻyicha "kim oshdi” savdosi oʻtkaziladigan sana va yer uchastka manzili matbuotda eʼlon qilinadi.
Savolga tuman arxitektura va qurilish boʻlimi mutaxassisi Ozodboy Madraimov javob berdi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
