Qisqa satrlarda
"KITOB SAYLI” MAʼNAVIYaT BAYRAMIGA AYLANDI
Tumanimizning 9- va 11-sonli umumtaʼlim maktablarida "Jayxun ilhomlari” NNT va "Amudaryo Nur-Ziyo” kitob doʻkoni hamkorligida "Kitob sayli” oʻtkazildi.
"Farzandimga kitob sovgʻa qilaman”, deb nomlangan tadbir kitobxon yoshlar safini yanada kengaytirdi.
BAHOR KELDI, MAVSUMGA TAYYoRGARLIK QANDAY?
Yaqinda xalq deputatlari tuman Kengashining Agrar, suv xoʻjaligi masalalari va ekologiya boʻyicha doimiy komissiyasining navbatdagi majlisi boʻlib oʻtdi.
Majlisda tuman qishloq va suv xoʻjaligi boʻlimi boshligʻi A.Yoʻldoshev 2017-yilning bahorgi ekish mavsumini oʻz muddatlarida va sifatli oʻtkazish boʻyicha koʻrilgan chora-tadbirlar haqida axborot berdi.
OGOHLIK VA HUShYoRLIKNI OShIRISh YOʻLIDA
Shu yilning 4-aprelida tuman hokimligida yoshlarni yot gʻoyalardan asrash, diniy mutaassiblikning vayronkor mohiyatini tushuntirish maqsadida yigʻilish oʻtkazildi.
Yigʻilishda Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmita mutaxassisi J.Joʻrayev, Imom Buxoriy nomidagi Toshkent Islom instituti prorektori J.Meliqoʻziyev va boshqalar maʼruza qildilar.
Yigʻilish soʻngida "Ostona” nomli hujjatli film namoyish etildi.
YoShLAR BANDLIGINI TAʼMINLASh YOʻLIDA
7-aprel kuni Amudaryo qishloq xoʻjalik kasb-hunar kollejida bitiruvchilarni ish bilan taʼminlash maqsadida mehnat yarmarkasi oʻtkazildi.
Yarmarkada muassasa, korxona va tashkilotlar mavjud 182 ta boʻsh va zahiralangan ish oʻrinlari hamda faoliyati davomida ishlab chiqargan tovarlari, koʻrsatayotgan xizmatlar namunalari bilan ishtirok etdi.
Yarmarkaga 1451 nafar fuqaro qatnashdi. Yarmarka davomida 20 nafar fuqaroga ishga joylashish uchun yoʻllanmalar, 11 nafar ishsiz aholi va 457 nafar kollej bitiruvchilariga huquqiy maslahatlar berildi. Kollej bitiruvchilarining 1451 nafari korxona-tashkilotlar bilan toʻrt tomonlama shartnomalar tuzdilar.
(Oʻz muxbirlarimizdan).
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
