ZULFIYaXONIM IZDOShLARI KOʻPAYMOQDA
Joriy yilning 1-mart kuni 53-sonli umumtaʼlim maktabida atoqli oʻzbek shoirasi Zulfiyaxonim tavalludining 103-yilligiga bagʻishlangan adabiy kecha boʻlib oʻtdi.
Adabiy kechada maktabning ona tili va adabiyoti fani oʻqituvchisi Safarboy Boltayev soʻzga chiqib, atoqli shoira Zulfiya Isroilovaning hayoti va ijodi haqida gapirdi. Shundan soʻng adabiy kechaning sheʼrxonlik qismi boshlanib ,unda maktabning havaskor shoira qizlaridan Ozoda Yoʻldosheva, Yulduz Rajabova, Feruza Qurbonboyeva va boshqalar oʻz ijod namunalaridan oʻqib berdilar.
Adabiy kechada Ozoda Yoʻldosheva tomonidan oʻqilgan sheʼr eng yaxshi sheʼr deb topildi.
- Maktabimiz oʻquvchilari ishtirokida atoqli oʻzbek shoir va yozuvchilarning hayot va ijodlariga bagʻishlangan bunday adabiy kechalarning tez-tez oʻtkazib turilishi ularda adabiyotimizga boʻlgan ixlos va muhabbatlarning ortishiga sababchi boʻlayapti. Zulfiyaxonim hayoti va faoliyatiga, uning serqirra ijodiga bagʻishlab oʻtkazilayotgan bugungi kechamizda biri biridan koʻproq sheʼr oʻqishga intilayotgan qizlarimizni koʻrib, ulardan xursand boʻldik, yurtimizda Zulfiyaxonim izdoshlari koʻpayayotganiga yana bir bor ishonch hosil qildik, - deydi maʼnaviy maʼrifiy ishlar boʻyicha direktor oʻrinbosari Nurimmat Eshboyev biz bilan suhbatdi.
Sadoqat ShERIPBOYeVA, maktabda
tashkil etilgan “Muxbirlar posti” aʼzosi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
