“Shisha ichidagi ayron, ichingga kirsa shayton”...
Inson oʻziga berilgan hayot deb atalmish bebaho neʼmatning qadriga hamisha ham yetavermaydi. Boshingga kulfat yoki qiyinchilik tushsa-yu uni yengib oʻtishda toʻgʻri yoʻldan koʻra shayton vasvasasi toʻriga tushib, aroqga roʻju qoʻysang bu ikki karra kulfat, fojia.
2020-yilning 2-may kuni Taxiatosh tumani “Doʻstlik” mahallasidagi 4 nafar qoʻshni joʻraning maishatbozligi jinoyat bilan yakun topadi. Aniqroq, Taxiyatosh tumani “Doʻstlik” mahallasida istiqomat qiluvchi 1967-yilda tugʻilgan B.K qoʻshnisi T.Sga bir kun oldin maosh olib bayram qilgani, bugun ham uni davom ettirish taklifini bildiradi. Yoniga yana ikkita qoʻshnisi J.S hamda M.B larni ham taklif qilib, toʻrttala joʻra dastlab 2 shisha, yana ozroq yetmay bir shisha aroq olib, maishatni qizdiradi.
Oʻtgan kunlarni eslab, yaxshi xotiralar haqida gurunglashib oʻtirgan “axil qoʻshni”larning kayfi ham oshib, oʻz nuqtasiga yetib boʻlgandi. Shunda kutilmaganda aroq taʼsirida kayfi oshib, oʻzining bosar tusarini bilmay qolgan B.K oshxona pichogʻi bilan qoʻshnisi T.S ga tashlanib, boʻgʻzidan oladi. Atrofidagi boʻlayotgan voqealarni hali toʻliq anglab ulgurmagan shirakayf J.S hamda M.B lar B.Kning ularga ham tajovuz qilishini kutmagandi. B.K qoʻlidagi “sovuq qurol” bilan birdaniga T.S, J.S va M.Blarga ham tashlanib qoladi. Jon talvasasidagi T.S ning holatini koʻrib “shok”ga tushgan J.S va M.B oʻzlariga pichoq bilan tajovuz qilayotgan B.K ga qanday qarshilik koʻrsatishni, yoki yonidagi hayot uchun kurashayotgan T.S ga yordam berishni bilmay arosatda qoladi. Oradan koʻp vaqt oʻtmasdan 3 nafar qoʻshnisiga pichoq bilan tajovuz qilgan B.K uyidan chiqib ketadi. Boʻlgan voqeani anglab yetganda esa qoʻshnisi T.S bu olamni tark etgan, yana ikki nafar qoʻshnisi ogʻir tan jarohatini olgan edi.
Ushbu holat yuzasidan jinoyat ishi qoʻzgʻatilib, Qoraqalpogʻiston Respublikasi sudining hukmi bilan fuqaro B.Kga Oʻzbekiston Respublikasi Jinoyat kodeksining tegishli moddalari bilan ozodlikdan mahrum qilish jazosi tayinlandi.
Shuni aytsa kerak, “shisha ichidagi ayron, ichingga kirsa shayton”.
Asqar Bekmanov Qoraqalpogʻiston Respublikasi sudi sudyasi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
