SUD – ADOLAT QOʻRGʻONI
Bugungi kunda fuqarolar va tadbirkorlar oʻzlarining buzilgan huquqlarini himoya qilish maqsadida sudlarga murojaat qilishlarida sudlovga tegishlilik qoidalarining bir muncha murakkabligi bois, fuqarolik ishlari boʻyicha sudlardan maʼmuriy sudlarga, maʼmuriy sudlardan iqtisodiy sudlarga qayta-qayta murojaat qilish holatlari mavjud. Bu esa nizolashayotgan shaxslarga qoʻshimcha noqulaylik boʻlib, ularning huquqlari oʻz vaqtida himoya ostiga olinmasdan, sudlarga boʻlgan ishonchsizlik va hurmatsizlik ortishiga sabab boʻlayapti.
Prezidentimizning 2020-yil 24-iyul kungi «Sudlar faoliyatini yanada takomillashtirish va odil sudlov samaradorligini oshirishga doir qoʻshimcha chora-tadbirlar toʻgʻrisida»gi Farmonida fuqarolarning odil sudlovga boʻlgan huquqini amalda taʼminlash bilan bogʻliq muhim muammoga alohida eʼtibor qaratilib, viloyat va unga tenglashtirilgan fuqarolik ishlari boʻyicha, jinoyat ishlari boʻyicha sudlar va iqtisodiy sudlar negizida sudʼyalarning qatʼiy ixtisoslashuvini saqlab qolgan holda Qoraqalpogʻiston Respublikasi, viloyatlar va Toshkent shahar umumyurisdiktsiya sudlarini tashkil etish belgilandi.
Viloyat darajasidagi fuqarolik, jinoyat va iqtisodiy sudlar birlashtirilib, yagona umumyurisdiktsiya sudlarining tashkil etilishi yuqorida qayd etilgan muammolarni bartaraf etishi bilan birga ilgʻor xorijiy davlatlar amaliyotiga ham monanddir.
Farmonda Oliy sud tomonidan har qanday ishni nazorat tartibida koʻrib, quyi sudlarga taʼsir koʻrsatishdek nomaqbul amaliyotdan toʻliq voz kechilishi nazarda tutilib, sudyalar mustaqilligini taʼminlash, ularga adolatli qaror qabul qilishda bosim oʻtkazishga yoʻl qoʻymaslik, ishlarning yillab qayta koʻrilishiga barham berish maqsadida Oliy sud raisi va Bosh prokurorning protest keltirish huquqi bekor qilindi.
Farmon bilan sud tergovi jarayonida inson huquqlari kafolatlarini yanada kuchaytirish va taraflarning tortishuvchanligi tamoyilini amalda roʻyobga chiqarish maqsadida jinoyat sudlarida dastlabki eshituv bosqichi joriy etilmoqda.
Shular qatori mazkur Farmonda sud tizimida boshqada qator tashkiliy-tuzilmaviy oʻzgarishlarni amalga oshirish nazarda tutilgan boʻlib, bu oʻzgarishlar fuqarolarimizning odil sudlovga boʻlgan konstitutsiyaviy huquq va erkinliklarining yanada kengroq taʼminlanishiga zamin yaratadi, deb ishonaman.
Q.ATAMURODOV, Fuqarolik ishlari
boʻyicha tuman sudi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
