KORRUPTsIYa VA PORAXOʻRLIK – TARAQQIYoT KUShANDASI
Insoniyatning azaliy muammolaridan biri bu – korruptsiyadir. U iqtisodiy, ijtimoiy va siyosiy sohalarga salbiy taʼsir etib, iqtisodiy sohada mamlakatning nazorat qilish funktsiyasining susayishi, raqobat mexanizmlari ishlamasligi, mulk huquqining poymol qilinishi, tovar va xizmatlar baholarining oshishiga olib keladi. Xalqning sotsial tabaqalanishiga, qonun ustuvorligi printsipining obroʻsizlanishi, siyosiy sohada esa fuqarolarning davlatga ishonchi yoʻqolishiga sabab boʻladi.
Oʻzbekiston Respublikasida olib borilayotgan islohotlarning samarali amalga oshishiga zamin yaratuvchi va korruptsiyaga qarshi kurashish mexanizmlarini oʻzida aks ettirgan Qonunchilik palatasi tomonidan 2016-yil 24-noyabrda qabul qilingan, Senat tomonidan 2016-yil 13-dekabrda maʼqullangan va Prezident tomonidan 2017-yil 3-yanvar kuni imzolangan Oʻzbekiston Respublikasining “Korruptsiyaga qarshi kurashish toʻgʻrisida” Qonuni amalga kiritildi. Mazkur qonun 34 moddadan iborat boʻlib, korruptsiyaga qarshi kurashish sohasidagi munosabatlarni tartibga solishdan iborat.
Shuningdek, 2017-yil 2-fevral kuni Prezidentning ““Korruptsiyaga qarshi kurashish toʻgʻrisida”gi Oʻzbekiston Respublikasi Qonunining qoidalarini amalga oshirish chora-tadbirlari toʻgʻrisida”gi Qarori ham qabul qilingan. Shunga muvofiq «Korruptsiyaga qarshi kurashish toʻgʻrisida»gi Oʻzbekiston Respublikasi Qonuni qoidalarining samarali ijrosini taʼminlash, jamiyat va davlat hayotining barcha sohalarida korruptsiyaning oldini olishga doir chora-tadbirlarni oʻz vaqtida va sifatli amalga oshirish maqsadida korruptsiyaga qarshi kurashish boʻyicha davlat dasturi va korruptsiyaga qarshi kurashish boʻyicha respublika idoralararo komissiyasi tuzilgan.
Korruptsiya va poraxoʻrlik – taraqqiyot kushandasidir. Shu sababli, korruptsiya kelib chiqishiga yoʻl qoʻymaslik, qonunlarni oʻz vaqtida ijro etish taʼminlash, korruptsiyaning keltirib chiqaruvchi holatlarning oldin olish choralarini koʻrish har bir davlat organi lavozimli shaxslarining va fuqarolarning vazifasi boʻlishi kerak.
Q.Atamuradov, Fuqarolik ishlari boʻyicha tuman sudi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
